SHILLONG: Shillong-ni saksa a·gipi journalist Mehraj Sameer Sohliya, ru·uta somoirangna sasimani ja·mano Sonibar attamchibara a·gilsakko watangaha.
Ua bilsi 46 gapahachim. Sohliya, uni jikgipa aro demechik sakgni baksa janggi tangrimengachim.
Uni nokdangni manderangni parakani gitade, Sohliya, ru·utgija somoirangna skang mangmangsa Nazareth Hospital-oni ong·katahachim.
Ua uni dongchakram Shillong-on Sonibar attamchibara rang·sitchote janggi galaha.
Sohliya, Guwahationi salantio nakatatenggipa English Songbato kam ka·engachim aro Shillong Press Club-ni saksa bakrimkamgipa membor ong·achim.
Meghalaya chief minister Conrad K Sangma, journalist-ni sianina kalimpaani kattako aganan baksa uni nokdangni manderangnaba duk man·rimani kattako parakaha.
Unomitingo Journalist fraternity ba dol aro gipinrangba, Sohliya-ni somoi ong·gija sianganina duk man·rimani kattarangko parakaha. aroba Shillong Press Club-ni memborrangba journalist-ni sianina duk man·rimaniko parakaha.
