SHILLONG: Batanggimin konta 24-ni gisepo Meghalaya a·doko sak 403 manderang COVID man·dapaha aro sak 487 manderang COVID-oni nampilskaaha, unomitingo ia apsan somoini bakon sak 10 gipinrang COVID man·e siangtaiaha.
Indake mijal salni bako COVID sabisi man·dapgipa sak 403 manderangoni, EKH-o sak 226, WJH-o sak 63, RiBhoio sak 53, WGH-o sak 22, SGH-o sak 22, SGH-o sak 9, NGH-o sak 6, SWGH-o sak 5, EJH-o sak 4, SWKH-o sak 4 aro WKH-o sak 3 manderang COVID man·dapaha.
Apsan somoion sak 487 manderang COVID-oni nampilskaaha, uamangoni EKH-o sak 204, WJH-o sak 84, WGH-o sak 53, EJH-o sak 28, Ri-Bhoio sak 24, SWKH-o sak 23, WKH-o sak 20, EGH-o sak 18, NGH-o sak 15, SWGH-o sak 11 aro SGH-oni sak 7 manderang mijalo COVID-oni nampiltokaha.
Unomitingo batanggimin konta 24-ni gisepo sak 10 manderang Meghalaya a·doko COVID man·e siangdapaha, uamangoni East Khasi Hills-o sak 4, Ri-Bhoio sak 2, West Garo Hills aro East Garo district-rango sakprak siangaha.
Meghalaya a·doko COVID sabisiko man·giparang mijalona gimikchide sak 42,309 gapahachim, indiba uamangoni sak 37,037 manderang sabisioni nampiltokaha, sak 743 manderang siangaha, COVID man·giparang da·oba sak 4,529 dongengkua.
