SHILLONG: Meghalaya a·doko COVID-19-ko warachakanio nambate kamrangko ka·na man·na gita bol 11 Life Support Ambulance-rangko DoNER Ministry bakan watatgnok aro ia ambulance-rangko a·dok sorkari, nangani kri dingtang dingtang biaprango donatgen ine a·dokni Chief Minister Conrad K Sangma parakataha.
Chief Minister-ni parakatani gitade, Meghalaya a·dokoba gnigipa changna COVID-19 giproroengani gimin a·dok sorkari, gital Life Support Ambulance-rangko a·dokna bi·dapataha.
Meghalaya a·dokni dingtang dingtang PHC, CHC aro sub-centre-rango iandakgipa ambulance-rang dongjae neng·nikanirangko man·enga ine opposition dolni matnanganina aganchakaniko on·angengon, batanggimin bilsio bregimin ambulance-rangoni bang·batan sagipa manderangko salrurana ra·bagipa ambulance-rangsa ong·a aro sorkari nangani krisa ia ambulance-rangko bi·ataha ine Chief Minister parakataha.
Ia sal somoirangoba Meghalaya a·doko COVID-19 giprorotaiengani gimin sorkari gital Life Support Ambulance-rangko bi·dapataha ineba Chief Minister parakataha.
