Saturday, July 12, 2025
spot_img

Shillong-ni Bara Bazar-o dokkan dakgiparangko tika su·china Health Minister ge·eta

Date:

Share post:

spot_imgspot_img

SHILLONG: Shillong songjinmani Bara Bazar ba Iewduh-o donggipa dokkanrangko Sukrobar sal dipet kulipiltaina gita East Khasi Hills a·jani Deputy Commissioner u·iatmanahani gimin Bara Bazar-o dokkan dakenggipa pilakkon COVID-ni tikarangko su·e ra·chengchina gita a·dokni Health Minister AL Hek ge·etangaha.

Dokkan dakenggipa manderang, jemangan COVID-ni tikako su·jachim, uamangkode dokkanrangko kulina on·jawa ineba Health Minister u·iataha.

Iana skang, Bara Bazar-o dokkan dakenggipa manderangko East Khasi Hills a·jani Deputy Commissioner, COVID-ni tikako su·e ra·china ge·etahani gimin ian manderangni skani gitasa ong·na nanga ine manderang, jegaltokskaahachim ine nikna man·a.

Deputy Commissioner-ni u·iatgipana a·dokni Health Minister-ba taldapataniko on·angengon, ian DC-ni didianisan ong·aia indiba dokkan dakenggipa manderang, bang·a manderangko chagrongna siengani gimin tikarangko su·e ra·chongmotna nanga ine parakataha.

“Ian dokkan dakenggipa aro bosturangko breenggipa manderangni namgninan ong·enga,” ine Hek aganaha.

West Khasi Hills a·jaoba, COVID-ni tika ponggniko su·gipa manderangnade District Administration-ni gita gong 10,000-ko boksis dake on·gen ine Nongstoin-ni BDO parakatahani gimin da·o social media-rango manderangni seachi golpogrikanirangko nikna man·skaengahachim.

Iani bidingo talataniko on·angengon, manderangko tika su·china didina gita dingtang dingtang district administration-rang, an·tangtangni man·a gita ja·kurangko de·enga ine Health Minister parakataha.

“Manderangko tika su·na didina gita an·tangtangni changa sapanirangko jakkalchina chinga dingtang dingtang a·jani DC-rangna pakwate on·manaha,” ine Hek parakataha.

Manderangna tikarangko su·ani bidingo pilakni gitan u·iatna sorkari jotton ka·aha ineba Health Minister parakataha.

Indake ong·engon, Iewduh-o dokkan dakenggipa manderangna Budbar salo dingtangmancha tikarangko su·e on·angaha aro ia biapo dokkan dakenggiparangoni sak 300-na baten manderang tikarangko su·e ra·na re·batokaha.

Meghalaya a·dokni Chief Minister Conrad K Sangma-ba dokkanrango an·tangtangni tika su·e ra·aniko see donahani gimin kusi ong·aniko parakataha aro an·tangtangni namgnina bosturangko brena re·baenggipa manderangkoba tikarangko su·e ra·na didichina gita dokkan dakenggiparangko didiataha.

spot_imgspot_img

Related articles

Jyothi, Parneet reach semis; mixed team to fight for bronze

Madrid, July 11: Jyothi Surekha Vennam and Parneet Kaur stormed into their respective semifinals, while the mixed team...

Mixed doubles glory for Verbeek, Siniakova

Wimbledon London, July 11: Katerina Siniakova and Sem Verbeek etched their names in the Wimbledon history books on Thursday,...

Struggles of retired college teachers under MDA Govt

Editor, Through the columns of your newspaper, I write with a deep sense of disheartenment and frustration about the...

Who will push societal reforms?

Health Minister Ampareen Lyngdoh while speaking of the growing crimes against women in Meghalaya pointed at the need...