SHILLONG: Bristibar saloni Sukrobar salona konta 24-ni gisepo Meghalaya a·dok gimiko sak 431 manderang COVID-19-oni nampilna man·aha indiba ia apsan salon sak 650 manderang COVID-19-ko man·dapskae da·oba COVID-oni nampilenggiparangna bate gital man·giparang batroroangtaiskaengaha.
Sukrobar salo COVID-19 man·dapgipa sak 650 manderangko channe da·o Meghalaya a·dok gimiko COVID-19 man·e dongenggiparang gimik sak 4819 gapaha aro apsan salon sak 9 manderang COVID-19 man·e siangdapahani gimin a·dok gimiko COVID man·e sianggiparangara gimik sak 771 gapskaengaha.
Sukrobar salo positive ong·gipa sak 650 manderangoni sak 47-de East Garo Hills-o, sak 8-de East Jaintia Hills-o, sak 220-de East Khasi Hills-o, sak 7-de North Garo Hills-o, sak 92-de Ri Bhoi a·jao, sak 18-de South Garo Hills-o, sak 19-de South West Garo Hills-o, sak 25-de South West Khasi Hills-o, sak 109-de West Garo Hills-o, sak 4-de West Khasi Hills-o aro sak 101-de West Jaintia Hills a·jao ong·a.
Konta 24-ni gisepo COVID man·e sianggipa sak 9 manderangoni sak 3-de East Khasi Hills-o, sak 1-de East Jaintia Hills-o, sak 1-de Ri Bhoi a·jao, sak 1-de South West Garo Hills-o, sak 1-de West Khasi Hills-o sak 1-de West Jaintia Hills-o aro sak 1-de West Garo Hills a·jao ong·a.
Ia apsan salon gimik sak 431 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 38792 gapskaengaha.
