TURA: West Garo Hills a·jao aro mongsongbate Tura jillao, Sombar sal dipet COVID-19-ni tikarangko su·na gita District Administration, biaprangko sualataha.
Tikarangko su·enggipa biaprangara, Cherangre LP School, Chitoktak Community Hall, Upper Babupara Community Hall, Hawakhana HS School, Matchakolgre Community Hall, Nepali Mandap (Sepoy Colony), Vivekananda LP School (Supari Bagan) aro Sakti Sangha (Dharamsala) ong·a.
West Garo Hills a·jani dingtang dingtang songrangode primary health centre aro community health centre-rango su·angskagen ineba u·iataha.
Indake ong·engon, bilsi 18 batgimin manderang, jemangan COVID-ni tikarangko su·e ra·kujachim, an·tangtangni identity card-rangko ra·e an·tangtangni sepangbatgipa vaccination centre-rangona re·ange tikarangko su·e ra·china gita West Garo Hills a·jani Deputy Commissioner Ram Singh u·iataha.
