SHILLONG: Robibar saloni Sombar salona konta 24-ni gisepo Meghalaya a·dok gimiko sak 269 manderang COVID-19 man·aha aro uandaken da·o a·doko COVID man·giparang ka·sinsin komiangna a·bachengengaha ine nikna man·aha.
Sombar salo COVID-19 man·dapgipa sak 269 manderangko channe da·o Meghalaya a·dok gimiko COVID-19 man·e dongenggiparang gimik sak 4196-ona tang·onangaha indiba apsan salon sak 5 manderang COVID-19 man·e siangskaahani gimin a·dok gimiko COVID man·e sianggiparangara gimik sak 785 gapskaengaha.
Sombar salo positive ong·gipa sak 296 manderangoni sak 12-de East Garo Hills-o, sak 5-de East Jaintia Hills-o, sak 120-de East Khasi Hills-o, sak 10-de North Garo Hills-o, sak 57-de Ri Bhoi a·jao, sak 2-de South West Garo Hills-o, sak 2-de South West Khasi Hills-o, sak 13-de West Garo Hills-o, sak 6-de West Khasi Hills-o aro sak 42-de West Jaintia Hills a·jao ong·a.
Konta 24-ni gisepo COVID man·e sianggipa sak 5 manderangoni sak 3-de East Khasi Hills-o, sak 1-de Ri Bhoi a·jao aro sak 1-de West Jaintia Hills a·jao ong·a.
Ia apsan salon gimik sak 655 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 40,574 gapskaengaha.
