SHILLONG: East Jaintia Hills a·jani Umpleng jolo donggipa Krem Ule-ni koela a·kolo gimaenggipa manderangoni gittamgipa manggisiko Sukrobar salo, Indian Navy-ni sipairang ra·ongkatna man·aha.
Ia manggisiko ra·ongkatna gita NDRF, SDRF, SRT aro dingtang dingtang dolni sipairang, Navy-ni sipairangna dakchakaniko on·aha.
East Jaintia Hills a·jani Deputy Commissioner Ethelbert Kharmalki-ni u·iatani gitade, ia manggisiko ra·ongkatani ja·man pilak kamrangko matchotate, post mortem ka·na gita Khliehriat Civil Hospital-ona watataha.
Iani bidingo East Jaintia Hills a·jani District Administration, Assam aro Tripura a·dokni SP-rangnaba u·iataha.
Ia koela a·kolo gimaenggipa manderangoni skanggipa manggisiko re·anggipa antio Indian Navy-ni diver-rang ra·ongkatna man·ahachim aro uni ja·man gnigipakoba Bristibar salo ra·ongkatna man·ahachim.
Da·o dipet koela a·koloniko man·pilgipa manggisirangko darangba ra·egiparang dongkujaenga ineba East Jaintia Hills a·jani Deputy Commissioner u·iataha.
Re·anggipa May jani 30 tariko Sutnga Elaka-ni koela a·kolo dynamite boma gopretani ja·man rang·san ia koela a·kolo chi napenba ia koela a·kolo koela bikotenggipa sakbonga manderang gimaahachim.
Ia koela a·kolo gimaenggipa manderangoni sakbride Assam-ni aro saksade Tripura a·dokoni ong·achim.