Shillong: East Jaintia Hills-o Krem Ule, Umpleng-ni koela a·kolo batanggimin adita salrangna skango a·sel ong·e sianggipa sak gittam manderangni manggisiko nokdangni manderangna pakwatangaha ine kobro janapaha.
East Khasi Hills-ni Deputy Commissioner, Ethelbert Kharmalki-ni koborna parakani gitde, district administration, koela a·kolo sianggipa manderangko nokni mandrangna pakwatangaha.
Uni aganangkuani gitade, batanggimin June 16 tariko man·gipa manggisi, chong·motan Anowarul Islam, jean Siraj Uddin-ni depante aro Assam, Najatpur Katigorah-o dongengachim, uni manggisikoba ra·angaha aro uandake sakgipin uni jonggipa Md Sam Uddin, Abdul Sattar-ni depante Najatpur, Katigorah-o donggipa uni manggisikoba mni Sukrobaro pakwatangahah.
Uandake, batanggimin June 25 tariko, apsan a·selo sianggiparang Abdul Sakur, aro Md Massur Ahmed mangni mangni manggisi-rangkoba uamangni nokdangni manderangna pakwatangaha ine Kharmalki, koborna parakatha.
Indake ong·engon, Deputy Commissioner-ni parakani gitade, batanggimin June 24 tariko apsan koela a·koloniko man·gipa Shyam Charan Debberma (23)-ni manggisikoba North Tripura-ona uni nokdangni manderangna pakwatangaha ineba koborna u·iatdapaha.