SHILLONG: Ja·manchake koborna u·iatani gitade, Ranikor Sub Division-ni Dr. Tangkhul Sangma aro hospital-ni gipin doctor aro staff membor-rang, Shri R.B Dhkar, AEE, PWD Road-ni gipin staff membor-rang aro manderang jinmani dongpaanio a·jaona watatgipa Oxygen concentrator-rangko re·anggipa Butbar salo man·soaha.
IAHV aro Incred-ni a·bachenganichi jolo manderangni janggi tangani cholrangko ra·bana gita man·ani gimin jolo donggipa manderang an·tangtangni kusi ong·aniko parakataha.
Indake ong·engon, Dr. Thangkul-ko aro uni staff membor-rangko iani bidingo raken kamko ka·dilanichi, ia kamko chu·sokatna man·ahani gimin anga gisik ka·tong gimikchi mittela, a·dokni dingtang dingtang bakrango iandakgipa kamrangko ka·anichi manderangni janggiko jokatani cholko ra·bana man·aha ine anga bebe ra·a ine Meghalaya State Council-ni GEP Director an·tangni kusi ong·ako parakataha.
