SHILLONG: Meghalaya a·doko batanggimin konta 24-ni gisepo sak 485 manderang COVID sabisiko man·dapaha aro sak 365 manderang nampilskaaha aro ia apsan somoion sak 5 manderang COVID sabisio siangdpaha.
Mijalo sak 485 COVID sabisi man·dapgiparangoni EKH-o sak 155, WJH-o sak 79, Ri-Bhoio sak 68, WGH-o sak 61, NGH-o sak 47, WKH-o sak 25, EGH-o sak 17, SGH-o sak 16, EJH-o sak 8, SWGH-o sak 6 aro sak 3 SWKH district-oni ong·a
Apsan salon, COVID sabisi man·giparangoni sak 365 manderang nampilskaaha, uamangoni EKH-o sak 150, WGH-o sak 60, WJH-o sak 45, EGH-o sak 41, NGH-o sak 19, SWGH-o sak 16, Ri-Bhoio sak 14, EJH-o sak 6, SGH-o sak 6, WKH-o sak 4 aro sak 4 SWKH district-oni ong·a.
Unomitingo batanggimin konta 24-ni gisepo East Khasi Hills district-o sakbonga manderang COVID man·e siangdapaha.
Meghalaya a·doko COVID sabisiko man·giparang mijalona gimikchi sak 50,575 gapangaha, uamangoni sak 45,074 manderang sabisioni nampiltokaha aro sak 849 siangaha. COVID sae donggiparang a·doko da·o sak 4,652 dongengkua.
