TURA: Tura Night School-ni class 10-o poraienggipa chatro chatrirangna class note-rangko on·enga ine Garo Graduates Union (GGU) parakatenba, class 10-o poraienggipa chatro chatrirangko, skulona re·bae an·tangtangni note-rangko ra·echina gita u·iataha.
GGU-ni president Dr MN Sangma-ni u·iatani gitade, Tura Night School-ni class 10-o poraienggipa chatro chatrirang, July 5 tarikoni July 14 tarikona Sombar aro Sukrobar salrango office-ni somoio skulona re·baenba, an·tangtangni note-rangko ra·angna man·gen.
Ia sal somoirango COVID-19-ni giproroaniko champengna gita skulrangko chipe dontokna nangengani gimin Tura Night School-ni class 10-o poraienggipa chatro chatrirangna, dingtangmancha skulni skigiparang, class note-rangko tarienba, noktangtango poraina man·na gita on·atskaenga.
