SHILLONG: Adita salrangna skango, Haryana a·doko Nagaland-ni sakgni A·chikrangni siani a·selrangko nirokatchina gita UDP dilgipa Bindo M Lanong, Meghalaya Governor Satya Pal Malik-ko mol·molaha, jemangni sianikon ra·chakna man·jae Salgro Salaram a·dokrango jegaltokenga.
Indiani ia Salgrojol a·doko ong·gipa a·selko ra·chakna man·tokjaenga, unigimin dosi donggipa manderangko rim·enba niamo pangchake sasti on·na nanga, ong·jaode indakgipa a·selrangko mikkangchiba, Salgro salaramni manderang chagrongtaina nangkugen, Pa Lanong aganaha.
Unigimin A·dokni skotong ong·ani gimin ia a·selrangko nirokatpachina gita UDP dilgipa, a·dokni Governor-ko mol·molaha.
