SHILLONG: A·doko Covid-19 sajinma sabisini batroroanina neng·nikaniko man·e HSSLC aro SSLC-ni porikkarangko sena man·rikgijagipa chatro-chatrirangna changsatai July 12 tarikoni porikkarangko a·bachengatgen ine Sukrobaro Meghalaya Board of School Education (MBOSE)-ni Joint Director Mac Donald Marbaniang aganaha.
Marbaniang-ni aganani gitade re·baenggipa July 9 tariko porikkarangko ong·atna gita manchigiminko Behdienkhlam maniani sal ga·akani gimin porikkarangni salko ra·doatskaaha.
Indake, manchitaigimin programme-ni gita SSLC aro HSSLC porikkarangko July 12 tarikoni a·bachengate July 20 tariko matchotatgen.
Gimik gimang a·dokni sak 98 candidate-rang SSLC porikkarangko segen, aro sak 92 mang HSSLC porikkarangko sena gita asonggen.
