SHILLONG: Adita salrangna skang, Haryana a·dokni Gurugram hospital-o A·chik sakgni, ong·na kragija dake siangahani gimin sianggipa mande sakgnini nokdangna kakket bichalko ra·bana man·na gita Meghalaya a·dokni Governor Satya Pal Malik, ma·mong sorkari baksa agangrikgen.
Shillong songjinmao donggipa Raj Bhavan-oni koborko on·ani gitade, ia a·selni bidingo a·dokni Governor, Union Home Minister Amit Shah-na seachiba u·iatmanaha aro ua Robibar attamon New Delhi-ona re·angahani gimin ia a·selni bidingo ma·mong sorkari baksa agangrikna sienga.
Haryana a·dokni Gurugram hospital-o Rosy Sangma minggipa me·chikni siangani ja·man, uni sianina hospital-o kam ka·enggipa doctor aro nurse-rangko uni gritang nanggipa Samuel Sangma matnangahachim indiba salgipino uni sigimin manggisikoba uni dongchakenggipa hotel-ni kuturionikosa man·ahachim.
Ia a·sel ong·ani ja·mano Meghalaya a·doko aro salgro salaramni dingtang dingtang biaprangoba dingtang dingtang dolrang, ia a·sel ong·aniko jegale, ia a·selni bidingo inquiry-ko dakchina aro dos donggipa manderangni kosako rakgipa sastirangko on·china dabitokengachim.
Ia a·selni bidingo a·dokni Governor Satya Pal Malik-ba Union Home Minister Amit Shah-na sedoate, inquiry-ko dakchina didiataha aro ua an·tangan New Delhi-ona re·angahani gimin, sianggipa manderangni nokdangrangna kakket bichalko on·na man·na gita ma·mong sorkari baksa agangrikgen ine Raj Bhavan-oni parakataha.