SHILLONG: West Jaintia Hills District, Jowai-na agrede, Meghalayani district gimikon Meghalaya State Legal Services Authority-ni gita, National Legal Services Authority (NALSA)-ni bimango aro Meghalaya High Court-ni Chief Justice aro Meghalaya State Legal Services Authority (MSLSA)-ni Patron-in-Chief, Justice Biswanath Somadder aroba Meghalaya High Court-ni Judge aro Meghalaya State Legal Services Authority-ni Executive Chairman, Justice R. V. More mangni dilanio mingsa National Lok Adalat-ko mijalo ong·atangaha.
Ia National Lok Adalat-o ming 319 Pre-Litigation case ba mamlarangko aro ming 345 donchipgipa case ba mamlarangko tik ka·grikaha. Ia National Lok Adalat-o gimikchi ming 664 mamlarangko jako ra·aha, uarangoni ming 133 mamlarangko tik ka·grikna man·aha, jeni tangkaan Tg. 40,49,334.3/- gapanga ine Meghalaya State Legal Services Authority-ni Memeber Secretary N. A. Khan, koborna u·iataha.
