SHILLONG: A·doko buring bolgrimrangko ripingani bidingo Meghalayani Forests aro Environment Minister James K. Sangma bang·gija salna skango, song dam 18-ni headman aro songni dilgiparang baksa gronge agangrikangaha.
Tom·anio, Mawlyndep, Umraleng, Mawlang, Umnongkrem, Sain, Urbania, Mawtnen, Nongtrawsoh, Umsohpieng, Wahskuin, Patharan, Umphung, Wahpipa Bangla, Lawhuleng, Mawkorblang, Nongtrawsiej, Niangdai, aro Umtyrkhang songni Rangbah Shnong-rang bakko ra·angaha.
Climate change ba ding·ani batrorobaengani gimin buring bolgrimrangko ripingna aro uarangna simsakna nangani gimin manderangna ma·siatna gita Forest Minister, songni dilgiparangko grongaha.
“Sorkarini ja·ku de·ani manderangni bimchipe bakrimaniosa Sorkarini re·mikkangani be·en pil·na man·a, unigimin buring bolgrimrangko ripingna gita sorkarini re·mikkanganio manderang ku·cholsan jak on·pana nanga’’ ineba Pa Sangma aganaha.
Buring bolgrimko ripingani bidingo James songni dilgiparangko gronga
Date:
Share post:
