TURA: Adita salrangna skang, West Garo Hills a·jani Phulbari jolo, bilsi 37 ong·gipa me·chik saksa, Bolero pik-up mini truck-chi saldapako man·enba siangna gita nangaha.
Koborko on·ani gitade, Phulbari jolo donggipa Haripur songni Anarkuli Bibi minggipa me·chikma saksa, auto rickshaw-o gadona siengmiting somoio Bolero pik-up mini truck bolsa, janggilchini re·bae uko salgakeaha aro ja·mano uni ja·ako saldapaha. Uni ja·ako changsa saldapani ja·mano ia garini driver Enamul Hoque, gariko janggilchi salpiltaion, uni saldapgimin ja·akon changsa saldaptaia gita dakaha.
A·sel ong·ani bakan ia me·chikko sanna gita Bhaitbari-ona ra·angahachim indiba doctor-rang uko sanna man·jae, uko nambate sanna gita ta·raken Goalpara-ona ra·angchina aganatahachim indiba rasong grie ia me·chik siangna gita nangaiaha.
Dos dakgipa garini driver, a·sel ong·ani ja·mano skul mikkangon gariko gale ua biaponi kataha ine kobor on·timgiparang u·iataha.