SHILLONG: Meghalaya a·dok sorkari tourism-ko kulitaina gita a·dokni dingtang dingtang tourism-ni bidingo daito ra·e ka·enggiparang baksa bakrime kulipilani cholko bikotna gita kam ka·enga maina a·doko tourism-chi bang·bate tangka paisarangko man·engachim.
Meghalaya-ni tourism sector batanggimin bilsirango tourist-rangni bang·en re·baani a·selo namen tangka paisarangko man·engachim indiba re·anggipa bilsioni dipet Covid-19 sajinma sabisini a·selo tourist sector bang·a neng·nikanirangko man·aha.
A·dok sorkari tourism-ko kulipiltaina gita adita cholrangko bikotnaba donga, indake iani bidingo tour, hotel aro tourism sector-o kam ka·enggipa manderang baksa a·doko tourism-ko kuliani cholrangni bidingo chanchirimaniko dakchina gita Deputy Commissioner-rangko ge·etataha.
Sorkari, chu·gimik Covid tikkani dose-rangko su·mangipa tourist-rangko a·dok nokchakani bidingo chanchienga, indiba da·o dipet iani bidingo manchianiko dakkujaenga.
Tourism Department-ni Commissioner aro Secretary Dr. Vijay Kumar D-ni aganani gitade da·o dipet tourism-ni bidingo maming chanchirimaniko dakkujaenga aro cabinet-o ia mamlani bidingo bang·gija salrangni giseposa chanchirimaniko dakgen.
Federation of Shillong Hotels-ni President Parambir Singh-ni aganani gitade a·dok sorkarini tourism-ko kulipiltaina cholrangko chanchigenchimode ian sorkarini nambegipa ja·ku de·ani ong·gen maina ian a·dokna gamchatgipa ong·a.
Tourism-ko kulipilna gita sorkari cholrangko ra·gatna chanchienga
Date:
Share post:
