SHILLONG: Meghalaya a·doko COVId-19 sabisiko man·giparang mijalo bang·taiaha, jeon sak 500 manderang COVID sabisiko man·taiaha aro sak 476 manderang COVID-oni nampilskaaha. Sak 13 manderang COVID-o siangtaiaha.
Batanggimin konta 24-ni gisepo sak 500 COVID man·dapgiparangoni East Khasi Hills-o sak 148, West Garo Hills-o sak 108, South West Khasi Hills-o sak 58, West Jaintia Hills-o sak 42, Ri-Bhoio sak 36, West Khasi Hills-o sak 24, South West Garo Hills-o sak 24, North Garo Hills-o sak 21, East Garo Hills-o sak 16, South Garo Hills-o sak 15 aro East Jaintia Hills-o sak 8.
Indake mijal salni bako sak 476 manderangba A·dokni dingtang biaprango COVID sabisioni nampiltokaha, uamangoni East Khasi Hills-o sak 140, West Jaintia Hills-o sak 97, West Garo Hills-o sak 86, North Garo Hills-o sak 31, West Khasi Hills-o sak 31, Ri-Bhoio sak 30, East Garo Hills-o sak 23, South West Khasi Hills-o sak 17, South Garo Hills-o sak 9, East Jaintia Hills-o sak 6 aro South West Garo Hills-oni sak 24 manderang sabisioni nampilaha.
Indake batanggimin konta 24-ni gisepo Meghalayao sak 13 manderang COVID sabisio siangtaiaha, uamangoni East Khasi Hills-o sak 7, West Khasi Hills-o sak 2, West Jaintia Hills-o sakgni, West Garo Hills-o saksa aro North Garo Hills-o saksa.
Meghalaya a·doko COVID sabisiko man·giparang mijalo sak 58,275 gapaha, uamangoni sak 53,263 manderang COVID-oni nampiltokaha, sak 968 manderang sabisio uamangni janggirangko gimaataha, COVID sabisiko man·giparang a·doko da·o sak 4,044 gaptaiaha.
