SHILLONG: North Eastern Hill University (NEHU)-ni ning·o donggipa pilak college-rangon da·o National Cadet Corps (NCC)-koba Under Graduate course-ni elective subject dake ra·gatanggnok aro iako Bristibar salo, Meghalaya a·dokni Governor Satya Pal Malik, Raj Bhavan-o program-ko ong·atenba a·bachengate on·angaha.
NCC-ko NEHU-ni Under Graduate elective subject dake ra·gatangani somoio a·dokni Governor, jinmana aganprakangengon, NCC-ko under graduate course-ni elective subject dake ra·gatna proposal on·aniko ra·chakaniara chatro chatrirangna bang·en namgni ong·gnok maina ia subject-ara mark-rangko man·na altugipa subject ong·a ine parakangaha.
“College-o ia NCC-ni gimin skie ra·aniara janggi tanga gimiknan chatro chatrirang baksa ong·e uamangni janggi tanganiko namdapatna dakchakani ong·gen,” ine Governor aganaha.
Manderangna dangdike on·anio uni chu·sokgipa ong·aniara uni NCC ong·e skie ra·ahani giminsa ong·enga ine mittelpilaniko parakangengon, NCC-ko NEHU-ni Under Graduate course-na elective subject dake ra·gataniara chatro chatrirangna bang·en namgni ong·gnok ine a·dokni Governor, NCC aro NEHU-ko mittelpilangaha.
Ia program-ko ong·atanio dongpae jinmana aganprakanggipa gipin manderangara, NCC North East Directorate-ni Additional DG Major General Ananta Bhuyan (Sena Medal) aro NEHU-ni Vice Chancellor Prof SK Srivastava ong·a.
Comments are closed.