SHILLONG: Act East Policy-ni ning·o a·dokni dingtangmanchagipa projcet-rangko nirokatchina gita Meghalaya Chief Minister Conrad Sangma, a·dokna wenbagipa Ma·mong Home Minister Amit Shah-ko aganaha.
Sonibaro Shillongo ISBT-ko oprake on·ani somoi aganengon, Salgro Salaram a·dokna kror lak 3-na baten koros ka·enga, ian NE-na mamongni simsakaniko mesoka ine Chief Minister Conrad Sangma aganaha.
Pa Sangma indakeba aganaha je North Eastern a·dokrango re·a doani cholrangko nambatatna nangenga, Imphal aro Aizawl dakgipa songjinmarangona re·angnade konta 12-20 somoirangko nangenga, indiba sildorengo songreode adha kontasan nangaia.
‘‘A·dokni economy-ko tang·doatnade re·a doani cholrangko namdapatna nangchenga,’’ Pa Sangma agandapaha.
Act East policy-ni ning·o, Bangladesh-an Meghalaya a·dokna mongsonggipa ong·a aro sima ari gita re·a doani cholrangko nambatatna nangchongmotenga ineba Pa Sangma aganaha.
Ua indakeba de·e pinikaha je sildoreng gita songreode Dhakaona minit 2o-30-san nangaigen, uni gimin a·dok aro NE region-na gipin a·songonaba nangdimatani cholko namdapatna nangenga.
Meghalaya-ni re·a doani cholko nirokatchina Conrad, Ma·mongni HM-ko agana
Date:
Share post:
