SHILLONG: BJP-ni Cabinet Minister AL Hek-ni biapo South Shillong-ni sakgipin BJP MLA Sanbor Shullai-ko Cabinet-o rimnapskaaha aro ua Mongolbar attamo, a·dokni gital Cabinet Minister ong·e, a·dokni Governor Satya Pal Malik aro gipin dilgiparangni mikkango ku·mikchetaha.
Gitcham BJP Minister AL Hek, Health & Family Welfare, Art & Culture, Home (passport) aro Home (prisons)-ni portfolio-rangko jako ra·ahachim.
A·dokni Chief Minister Conrad K Sangma-ni parakatani gitade, minister-ni biapko sualgrikna gita songgigrikani dongani gimin Cabinet-ko sualpiltaianio BJP-ni sakgipin MLA-ko Cabinet-o rimnapskaaha.
MDA-o dingtang dingtang dolrangna Cabinet-ni biaprangko kange donahani gimin minister-ni biapko bilsigni ataprakon suale on·na songgrikani dongachim ineba Chief Minister parakataha.
“MDA sorkariko rikchengani somoioba anga MDA-o bakrimenggipa dolrangna, an·tangtangna chamgimin gita biapko sualgrikchina aganahachim aro MDA-o bakrimenggipa pilak dolrangan iako chu·sokatna nangniktokaha,” ine Sangma aganaha.
Indake ong·engon, gital Cabinet Minister Sanbor Shullai-ni ku·mikchetaniko a·dokni Governor Satya Pal Malik, Raj Bhavan-o dakdilangaha aro uni ku·mikchetanio a·dokni Chief Minister Conrad K Sangma, Deputy Chief Minister Prestone Tynsong, gipin Cabinet minister-rang, sorkari official-rang aro dingtang dingtang political dolni dilgiparangba dongpae bak ra·angaha.
Hek-ni pal BJP-ni sakgipin MLA Sanbor Shullai-ko Cabinet-o rimnapa
Date:
Share post:
