TURA: Williamnagar civil hospital-ni doctor-rangko skatang kam ra·jitangrongengani gimin East Garo Hills a·jani dingtang dingtang NGO-rang, sorkarini kosako jegale District Medical & Health Officer (DM&HO)-ni office-ko salgittamna office picketing ba kam ka·na on·gija jingjengatengon, NGO-rangni dabianiko Health Department baksa agangrikna East Garo Hills a·jani Deputy Commissioner Swapnil Tembe ku·rachakahani gimin office picketing ka·aniko dontongatpilaha.
Williamnagar civil hospital-na doctor-rangko songe on·chenggija ia hospital-ni doctor-rangko gipin biaprangona ra·jitangengani gimin East Garo Hills a·jani dingtang dingtang NGO-rang, chong·motan GSU, FKJGP, AIGU, FAF aro ICFS dolrang, re·anggipa Mongolbar sal dipet DM&HO-ni office-ko kam ka·na on·gija jingjengatna a·bachengahachim. Indake ong·genchimoba gnigipa salo, NGO-ni dilgiparangko East Garo Hills a·jani Deputy Commissioner Swapnil Tembe, an·tangni office-ona okamatenba, NGO-rangni dabianiko Health department baksa agangrikna ku·rachakate, office picketing ka·aniko dontongatchina mol·molataha aro uandaken DC-ni ku·rachakaniko man·e NGO-rang, salgittamna office picketing ka·aniko dontongatpilaha.
Williamnagar civil hospital-ni psychiatrist aro eye specialist-ko gipin biapona ra·jitangahani gimin adita salrangna skangsan NGO-rang, poster campaign-ko dakeba, ia hospital-na ta·raken doctor-rangko songe on·skachina dabiangahachim ine nikna man·a.
DC-ni ku·rachakaniko man·e ‘office picketing’ ka·aniko NGO-rang dontonga
Date:
Share post:
