SHILLONG: BJP National General Secretary, Shri Arun Singhji, mejal Sonibar salni bako Nongpoh-o Ri-Bhoi District-o party-ko dilenggipa office bearer-rangko grongenba nanggipa kamrangni gimin agan-golpogrikangaha.
Arun Singh, Meghalaya-o salgnina kingking donge a·doko BJP-ko bilakbatatna gita dingtang dingtang district-rangona re·ange jolni dilgiparangko grongangna manchienga.
Uni program-ni somoio, manderangna agan-parakatengon, ua re·anggipa bilsi aro ia bilsini gisepo skanggipa aro gnigipa changna a·songo covid sabisini a·sel manderangni neng·nikani somoio uamangna dakchakanirangko on·achi, Modi sorkarini batanggimin bilsi 7-na kingking Modi sorkarini kamko chu·sokatengani bidingo aro ma·mong sorkari manderangna maikai kamrangko ka·achi dangdike on·enga uarangni bidingo parakatjolaha.
Uandake, diltugipa biaprango songdong achapagipa songni nokni manderangona kingking Modi sorkarini namgipa kamko agane mesoke on·china Arun Singh party-na kamko ka·giparangko didiatan baksa, a·doko Mandal Committee, Booth Committee aro dingtang dingtang dolrang maikai district-rango kamko ka·engachim uarangni bidingo sing·sandie ra·angjolaha.
Uarangna agreba, mikkang 2023 bilsio ong·atnasienggipa Meghalaya Legislative Assembly-ni election-na rakbate kamko ka·angchina gitaba ua didiangaha.
Indake ong·engon, uamangni tom·e chanchirimani somoio manderangna aganprakanggipa gipin dilgiparangara, NE General Secretary (Org.), Shri Ajay Jamwalji, State BJP President, Shri Ernest Mawrie aro gital ra·napako man·gipa Meghalaya Cabinet Minister, Shri Sanbor Shullai mangan ong·aha ineba koborna parakataha.
BJP National Secretary, Ri Bhoi dist-ni party dilgiprangko gronga
Date:
Share post:
