NEW DELHI: Shillong-oni Lok Sabha member Vincent H Pala, Northeastern jolni interstate border ba sima ari jolo nanggrikani mamlako nirokatchina Prime Minister Narendra Modi-na chittiko seataha.
Assam-ni gital BJP sorkariko dilenggipani kamko jako ra·onin interstate border-o kajia-golmal ong·anirangko bate nikna man·enga ine janapataha.
“Changgittamna joljol MP ong·enggipa Pala, uni seatgipa chittio Prime Minister-ko salgro-salaram jolni sima ario meligrikgija ba golmal ong·ani mamlako nirokatchina mol·molataha.”
Adita salrang skang Assam-Mizoram border-o ong·gipa a·selo sakdok manderang siakoba janapatenba, salgro-salaram jolo tom·tomaniko rakkina nangenga ine aganataha.
Tripura aro Manipur-ko wate, Northeast-ni gimik a·dokrangan Assam baksa sima ario golmal ong·e dongenga. Jeni a·sel bang·a changon border-o golmal ong·ako nikna man·ronga.
Indake ong·engon gital songgipa North East MPs Forum (NEMF), mni Sukrobar salo Assam-Mizoram border-o golmal ong·ako jegalate, Assam aro Mizoram sorkariko sima ario tom·tomaniko rakkina mol·molataha.
Assam-Mizoram border-o ong·gipa a·seln Northeast-ni manderang suk ong·gijako parakattokaha.
“Aro Forum, a·sel ong·ao sianggipa nokdangna kalimataha aro jokkom ong·gipa nokdangna ta·raken an·sengpilanina bi·chakataha.”
