SHILLONG: Assam aro Meghalaya, adita ru·uta bilsirangoni golmal ong·e dongenggipa sima arini mamlako tom·tomatna agangrikna a·bachengatanio, Opposition dilgipa Mukul Sangma, “sima arini mamlko political-ni gita sikani dongosa tom·tomaniko ra·bana man·gen,” ine aganaha.
“Sima arini mamlako tom·tomatna political-ni gita sikani dongna nangchongmotgen, una agre gipin chol dongja, aro damsa a·dokonisan ong·aija damgni a·dokonin sikani dongna nanggen,” ine Mukul Sangma, Sonibar salo kobor ra·timgiparangna aganaha.
August jani 6 tariko Assam aro Meghalaya-ni Chief Minister-rang gnigipa round-o sima arini bidingo agangrikna skang, Opposition dilgipa ia kattarangko aganaha.
“Adita ru·uta bilsirangoni golmal ong·e dongengipa sima arini mamlako dolsamangmang jotton ka·e namatna man·jawa, uni gimin dolgni a·dokan tom·tomaniko rakkina political-ni gita sikani dongna nanggen. Ong·jaode dolsa party kam ka·genoba dolgipin party, politics kal·e dongaigen.”
Indake gitcham Chief Minister, jean uni somoio Assam-ni CM baksa agangrikahachim, ua indine aganaha, “ia mamlako tom·tomatna re·mikkanganio pilak manderangko apsan ong·e re·dile dolgni a·songni ra·chakgrikna man·ako nigrikna nanggen.”
Uandake adita salrang skangsan CLP tom·anio sima arini mamlao chanchirimangaha.
Indake ong·engon Sangma, India aro Bangladesh-ni gisepo a·a sregrikna ku·rachakani ba land swapping agreement-ko janapate, Assam-ko man·chape dingtang dingtang a·dokrangan neng·nikako man·aha indiba Meghalaya a·dok sorkari ua somoio somoi ra·e gimik stakeholder-rangko rimchape kam ka·aha, ine aganaha.
Sima arini mamlako tom·tomatna political-ni gita skani dongna nanggen: Mukul
Date:
Share post:
