SHILLONG: A·chik jat uandake A·chik A·songna kamrangko ka·tona gita aro A·chik A·songni Bol-Wa·a, Do·o-Mat, Chiring-Chibisik, aro niam pe·e re·badegiparangko jegale kamrangko ka·na man·na gita, re·anggipa July 30, 2021 tariko, HQ-ni jakchi Matgrik Do·mesalni Dadenggre Regional Unit-ko songe on·angaha ine Matgrik Do·mesal-ni President Metro S Bangshall koborna u·iataha.
Ia Regional unit-ko songengon, Matgrik Do·mesalni on·gimin bilo pangchake, Dadenggre jolna pilak nanggipa kamrangko uamang an·tangtangan niroke ka·angchina gitaba gital dilgiparangko seokenba uamangnan chu·gimik bilko pakwatangaha ineba u·iataha.
Ge·songgital dolko re·dilna seokgimin dilgiparangara- President Chusil Momin, Vice President Trainingbirth R Marak, Secretary Francis M Marak, Joint Secretary Pangsim M Marak, Publicity Secretary Trobil Ch Marak, Education Secretary Bilseng M Marak, Do·bima kotok Secretary Gritha Ch Marak, Do·bima kotok Joint Secratary Praisilla M Sangma, Finance Challak M Marak, Environment Wesrang T Sangma, Executive Challang M Sangma, Niku M Marak, Kilnen R Marak, Darmen Marak, George Ch Momin.
