TURA: Tura-ni Rongkhon Songgital gittimo Tura Municipal Board (TMB)-ni jabol galchakenggipa biapko name nirok sandijaenga ine Garo Students Union (GSU), Urban Affairs department-ni Executive Engineer-na badi ka·doangaha.
Tura-ni Rongkhon Songgital-o jabol galchakenggipa biapo skatang jabolrangko galengkuani a·sel Rongkhon Songgital gopramonasa ma·manti jabolrang jokonange neng·nikaniko on·enga adita salrangna skangsan GSU, a·dokni Chief Minister Conrad K Sangma-naba sedoatahachim.
Rongkhon Songgital-ni jabol galchakram biapo TMB-ni manderang, skatang jabolrangko galengani a·sel jabolrang ka·mao donggipa gopramrangonasa jokangskaenga aro ian namen nitogijaniko aro kragijaniko ong·atenga ine GSU-ni president parakataha.
Ia biapo pilak dakgipa jabolrangkon galengani gimin moilarang ka·mao donggipa Ringre chiringona jokange, ia chiringko jakkalenggipa manderangnaba namgijaniko ra·baenga ineba GSU, Urban Affairs department-na badi ka·doangaha.
GSU-ni parakatani gitade, ia jabol galchakgipa biapko ka·machipakni chukale pakma tarigenchimode jabolrangko bewalde ra·chakna man·genchim indiba ia biapo iandake pakmarangko tariani dongjani a·selan jabolrang ka·machinasa jokangskaengachim.
