SHILLONG: East Jaintia Hills district administration, ice-cream-o kenbegnigipa chemical-ko brina donga ine matnangani mamlao, sample-ko porikka ra·ani report-o pangchake Food Safety and Standards Act, 2006-ni niamo ja·ku de·gen, ine aganaha.
East Jaintia Hills Deputy Commissioner, Ethelbert Kharmalki kobor ra·timgiparangna indine u·iataha, “ia mamlako Assistant Commissioner of Food Safety (ACFS), Jowai-na pakwatataha, uamangsa ice-cream-ni sample-ko laboratory-ona watatgen.
District-ni ning·o donggipa ice-cream-ni karkanarangoniko ra·sekgipa powder packet-o metals ba silrangko rongtalatna jakkalgipa chemical donga ine Kharmalki aganaha.
Ice-cream cha·e bi·sa-rang saa man·tokenga ine kobor man·a ja·man ice-cream tarigipa karkana-rangko sandion ge 42 powder-ni packet-ko ra·sekaha.
“Powder-ko ice-cream-ko cha·toatna brinakon, uandake Khliehriat aro Ladrymbai-o donggipa ge 5 ice-cream karkanako chipataha ineba DC aganaha.
August 2 tariko DC, Khliehriat-ni Food & Safety Officer-ko Ladrymbai aro Khliehriat jolo palgipa ice-cream-ni sample-ko chimongna ge·etaha aro porikka ra·ani report-ko man·sokuja dipetna ice-cream-ko champengataha.
