SHILLONG: Sorkarini dingtang dingtang nangdapgipa aro niksamsogijagipa korosrangna jakkalna man·na gita, Meghalaya Contingency Fund-ko skangni Tg. kror 305 -oniko Tg. kror 505-ona bariatna gita Meghalaya Cabinet tik ka·aha.
Cabinet tom·ani ja·mano kobor ra·giparangna talatengon, Meghalaya Act, 2017-ni Contingency Fund-ni ning·o jako ra·gipa adita project-rangba donga ine Chief Minister Conrad K Sangma aganaha.
Indake ong·engon, Amendment of the Meghalaya F.R’s & S.R’s 1984 aro Meghalaya Delegation of Financial Powers Rules 2006 iarangkoba namdapate Cabinet-o ra·chakangaha.
Independence Day-ko maniao A·songni Nisan-ko sawa bano badalatgen, iana VIP-rangko seokani bidingoba chanchirimangaha.
