SHILLONG: Meghalaya a·doko COVID-19 sabisi man·e sianggipa da·o sak 1200 gapangpilomangba, manderangko COVID tikka su·na gita ja·ku ga·anio, tikka su·na jechakgiparangko Sorkari chagrongengkua. Unomitingo indakgipa neng·nikanirangna nangrime kam ka·na man·na gita Sorkari, da·al Shillong All Faiths’ Forum (SAFF) baksa tom·e chanchirimaniko dakaha aro ia tom·anio Chief Secretary MS Rao chanchidilaha.
Re·baenggipa August 16 tarikoni olakiram nokrangkoba kulina on·engahani gimin, maidakgipa SOP-rangko ra·gatgenchim, uarangni bidingoba chanchirimaha aroba bia ka·anio maidakgipa SOP-rangko ra·gatgen iani giminba chanchiaha, unbaksana tikka su·anio dakchakrimchina gitaba All Faith Institution-rangko didiaha ine Rao aganaha.
Chief Secretary indakeba u·iataha je, bia ka·anirango ba olakiram nokrango tikka su·giminrangkosan noknapaichina gita Sorkari dingtangmancha didianiko on·gen.
Unomitingo, bilsi 18 gapgiminrangkode pilakkon COVID tikka su·tokna gita Sorkari nisan ka·enga ineba Rao aganaha.
