TURA: Swachhta Action Plan 2020-21-ni ning·o rongtal an·talanina aro rongtal an·tale dongani bidingo awareness program-rangko ong·atanina Tura-ni Don Bosco College-na India sorkarini Education Ministry-ni ning·o donggipa Higher Education Department-ni ning·o Mahatma Gandhi National Council of Rural Education (MGNCRE)-ni gita ‘One District One Green Champion’ award-ko on·aha.
Ia award-na Meghalaya a·dokoni college ge·gnikosan seokaiaha aro uan Tura-ni Don Bosco College aro ge·sagipara East Khasi Hills a·jani St Edmund’s College ong·a. Ia award ba upattiko India a·song gimikoni ge 400 college-rangna ministry-ni gita on·angaha.
Award-ko West Garo Hills a·jani Deputy Commissioner Ram Singh, dingtangmancha MGNCRE-ni webinar-ko ong·atanio Don Bosco College-ni Principal Rev Fr Bivan Rodriques Mukhim-na on·angaha.
Ia award-ko on·angani somoio West Garo Hills a·jani Deputy Commissioner, webinar gita aganprakatengon, ia award-ko man·ahani gimin Tura Don Bosco College-ko mittelpilangaha aro uamang an·tangtangni college-ko rongtal an·tale donrongani gimin aro chatro chatrirangkoba rongtal an·tale dongna nangani gimin skie on·ahani giminsa ia upattiko man·aha ine parakataha.
