SHILLONG: Chang 75-gipa Independence Day-ko maniani bak gita Meghalaya police aro home guard personnel-rangna, uamangni on·kange kam ka·anina dingtang dingtang category-o award-ko on·aha.
Kobor man·soani gita Meghalaya (SB/CID)-ni Additional DGP Heimonlang Nongpluh-na President’s Police Medal for Distinguished Service-ko on·aha, Police Headquaters-ni SI (Un-armed branch), Manoj Sinha-na Police Medal for Meritorious Service-ko on·skaha.
Indake ong·engon Police Medal for Galantry (PMG)-ko SI (Un-armed branch, SF-10) Ronald Life Nongrum, U/Lance Naik (SF-10) Prem Bahadur Chetry, Constable (SF-10) Farewell Soshang, Constable (SF-10) Luckystar Lyngdoh Nonglait aro Constable (SF-10) Tushar FN Marak- uamangna on·aha.
Uandake Home Guards and Civil Defence Medal for Meritorious Service award-ko Senior Staff Officer (HG), Directorate of Civil & Home Guards, RP Khongwar aro SI (Meghalaya Secretariat Home Guards) Social Dkhar-mangna on·aha.
North East-oni saksni Home Guards and Civil Defence Medal for Meritorious Service award-o man·aha.
