SHILLONG: Ia bilsini gamkare ge·kareni somoi da·o matchotangnasiengon, Garo Hills-o game ge·e cha·giparang, mongsongbate South West Garo Hills-o, da·omitingo uamangni ge·a gamaniko dakanio namen jakchaktokjaenga. Indake ong·genchimoba mikka bitchirangko chu·onga gita man·ja baksana ia COVID-19 sajinmani somoio uamangni gama ge·aniko dakanio namen neng·nikatako man·batenga.
Mikka bitchirangko chu·onga gita man·jaengani gimin South West Garo Hills district-o pattalrango mi ge·giparang neng·nikaniko man·enga. Chi salani misinrangko jakkalesa sepango donggipa chibimarangoniko uamangni pattalrangona chirangko salenga. Chingni ka·dongsoa gita da·alona chinga mikka bitchirangko man·kuja, unigimin pattalrangko gamanio namen neng·nikaniko man·enga ine SWGH-ni ning·ogipa song damsani me·chikma saksa aganaha.
