SHILLONG: “Indiani 75-gipa Azaadi ka Amrit Mahotsav”-ni bak gita dake, Superintending Engineer PWD (Roads), Eastern Shillong Circle-ni office-ni gita, ‘‘songadam nokadamni ramarangko namdapatanio PMGSY-ni dakgni’’ ine pangchakaniko donenba mingsa District Rural Road Seminar-ko da·al, Conference hall, PWD Secretariat, Shillong-o ong·atangaha. Ia seminar ba tom·anio, Sohra MLA Gavin M Mylliem mongsonggipa sokgipa ong·e bakko ra·aha aro SDO (Civil), Sohra Civil Sub-Division-ni L Kynjing mandera·ako man·na kragipa sokgipa ong·e bako ra·angaha.
Ia programo, East Khasi Hills district-ni ning·ogipa dingtang dingtang Block-rangni Programme Implementation Unit, PMGSY, aro district-ni PWD contractor-rangba bakko ra·angaha.
Tom·anio bakko ra·gipa jinmana aganprakengon, a·song gimiko manienggipa Azaadi ka Amrit Mahotsav-ko manianio bakko ra·pana man·ani gimin Gavin M Mylliem, skanggipao uni kusi ong·ani kattako aganaha, jekon India-ni Jakgitel man·ani bilsi 75 gapaniko gisik ra·e manienga.
District Rural Road Sector-ni bidingo aganengon, PMGSY-ara district-ni songadam nokadamrangna namen pattiani ong·a ine Mylliem aganaha. PMGSY-ni ning·o ramarangko bang·en tarianiko nikna man·aha aro bang·a songrangan namgniko man·aha ineba ua agandapaha.
Seminar ong·atgipao, L Kynjing, SDO (Civil), Sohra Civil Sub-Division, S Kyndiah, SE aro DPC, PMGSY, East Khasi Hills District, P Hynniewta, DPIU, PMGSY, East Khasi Hills District, aro gipinrangba aganpaaha.
