SHILLONG: West Khasi Hills a·jao donggipa bang·bea A·chik songrangona, chong·motan Shallang bajaroni Khalu songona Rengdim song gita dakanggipa rama-sorrokko ru·uta bilsirangna tarie on·gija galchipe donenga ine H.q, Rengdim-ni United A·chik Youth Federation (UAYF)-ni dilgiparang parakataha.
Ua PMGSY-ni rama-sorokko batanggimin 2014 ba 2015 bilsirangon tarina a·bachengatahachim, indiba da·ona kingkingba taria matchotatchipgija galchipe donengako nikna man·kuenga.
Shallang bajaroni Khalu songona Rengdim song gita dakanggipa rama-sorokkni bakroa chu·gimikde kilometer 30 ba 32 mang gita bakroa, aro ua rama-sorokkara jolo donggipa dam 20 batpilgipa A·chik songrangona songre-songbatgipa mongsonggipa rama-sorokkan ong·a.
Uandake jolni manderang Shallang bajaroniko nangchongmotgipa bosturangko brena aro una agreba, Riangdo Block Development Office-ona nangchongmotgipa office-ni kamna re·a-doani somoio ua rama-sorok gitan re·rurana nangenga. Indiba ua sorokko da·ona kingking matchotatna man·gija, galchipe donenganichi jolni manderang namen neng·nikaniko chagrongskaenga ineba UAYF-ni dilgipa agandapaha.
Indakgipa obostarangko jolni manderang chagrongna nangengani gimin, ia rama-sorokko ta·rake matchotatchina ba tarie on·china gita UAYF-ni dilgiparang department-ni official-rang aro a·dokni bil gnanggipa manderangko raken didiataha.
Ua PMGSY-ni rama-sorokko batanggimin 2014 ba 2015 bilsirangon tarina a·bachengatahachim, indiba da·ona kingkingba taria matchotatchipgija galchipe donengako nikna man·kuenga.
Shallang bajaroni Khalu songona Rengdim song gita dakanggipa rama-sorokkni bakroa chu·gimikde kilometer 30 ba 32 mang gita bakroa, aro ua rama-sorokkara jolo donggipa dam 20 batpilgipa A·chik songrangona songre-songbatgipa mongsonggipa rama-sorokkan ong·a.
Uandake jolni manderang Shallang bajaroniko nangchongmotgipa bosturangko brena aro una agreba, Riangdo Block Development Office-ona nangchongmotgipa office-ni kamna re·a-doani somoio ua rama-sorok gitan re·rurana nangenga. Indiba ua sorokko da·ona kingking matchotatna man·gija, galchipe donenganichi jolni manderang namen neng·nikaniko chagrongskaenga ineba UAYF-ni dilgipa agandapaha.
Indakgipa obostarangko jolni manderang chagrongna nangengani gimin, ia rama-sorokko ta·rake matchotatchina ba tarie on·china gita UAYF-ni dilgiparang department-ni official-rang aro a·dokni bil gnanggipa manderangko raken didiataha.
