SHILLONG: A·gipi UDP Minister, Lahkmen Rymbui, jean uoniko Home portfolio-ko ra·galchina gita re·anggipa August 15 tariko, Shillongo golmal ong·ani baktapan kam watani chittiko on·ahachim, indiba uni kam watani chitini bidingo Chief Minister, Conrad K. Sangma-ni mamingkoba chanchijani gimin, Home Minister-ni kamrangko ka·angtaina gita chanchiaha.
“Angni kam watani chittiko Chief Minister ra·chakjani gimin anga kamtangko ka·angtaigen” ine Rymbui aganaha.
Sing·anina aganchakengon, iani bidingo Chief Minister-ni aganchakani ja·mano, ua uni chanchigiminko dakgen ineba Rymbui aganaha.
Indake ong·engon, Rymbui-ni kam watna lekka on·gipani bidingo CM maiko chanchia uko sengchengna gita, UDP re·anggipa Robibaro chanchie donahachim.
“Iani bidingo CM maiko chanchia, uni skanina pakwatenga. Rymbui-ni kam wataniko ua maina ra·chakjaengachim, iani bidingo CM-ni chanchianikoba chinga ra·chaka,” UDP president, Metbah Lyngdoh aganaha.
Rymbui-ni kam wataniko ra·chakjawa aro iako ra·chakode, Meghalaya-ni kosako ong·gijagipa kattarang a·song gimikna gipanggen ine Chief Minister Conrad Sangma, re·anggipa Sukrobar aganman·jokchim.
‘‘Rasong grigipa ong·nanggija ong·gipa a·selni gimin Rymbui-ko kam watna draataha ineba CM aganahachim.
Home (Police) portfolio Rymbui-ni jako ong·genchimoba, bon·kamaode uni daitoko CM ra·na ga·akaha ineba ua aganaha.
