SHILLONG: Hynniewtrep National Liberation Council (HNLC) bobil dolni gitcham chairman Julius K Dorphang-ko bilsi 25-na pattoko donan baksana gong lak 15 tangko dai gamchina gita Mongolbar salo, Nongpoh-o donggipa POCSO Court-ni Special Judge Febroneous Silkam Sangma, raiko on·ataha.
Iani bidingo talataniko on·angengon, bichalko re·anggipa August-ni 13 tarikon matchotaha aro raiko Mongolbar salo on·aha ine Dorphang-ni ukil Kishore Ch Gautam parakataha.
Iani bidingo ua Meghalaya High Court-o doktikangskagen ineba Gautam parakataha.
“Angni mol·molani baksana ia raiko dontongatchina gita anga High Court-o bi·gen,” ine Dorphang-ni ukil parakataha.
2016 bilsini December 15 tariko, bilsi sokkugijagipa me·chik bi·sako drae til·ekanina HNLC-ni gitcham chairman aro Mawhati-ni gitcham MLA Dorphang-ko Protection of Children from Sexual Offences (POCSO) Act-ni ning·o bilsi 25-na pattoko donchina raiko on·ataha.
Uni kosako raiko on·angani ja·man, Dorphang-ko Nongpoh District Jail-ona apjitatskaaha.
HNLC-ni gitcham chairman-ko bilsi 25-na pattoko donchina rai on·a
Date:
Share post:
