TURA: Tura-ni Rongka Chiring gittimona dakanggipa ramao paikanani pipe bretani a·sel jolo songdongenggipa manderang aro ramako re·ruraenggipa manderang chaktopilgijagipa bibako chakna nangtokenga ine A·chik Association for Protection of Environment (AAPE) parakatenba, ia pipe-ko ta·raken tarichina Tura Civil Hospital-ni dilgiparangko didiataha.
AAPE-ni parakatani gitade, Tura Civil Hospital compound-ni sewage tank-ona ra·anggipa paikanani pipe bretahani a·sel ia bretgipa pipe-oni moilarang ong·kate da·o ka·mao songdongenggipa manderang aro ramako re·ruraenggipa manderangsa senggipa bibako chakna nangtokengachim.
“Ia bretgipa pipe-oni soenggipa moilarang jokengani a·sel Rongka Chiringo songdongenggiparang aro ramako re·ruraenggipa manderang dongtogijaniko man·tokenga. Uni gimin ia bretgimin pipe-ko ta·raken taripilchina chinga hospital-ni official-rangko didienga,” ine AAPE-ni joint secretary Lawrence Sangma parakataha.
Paikanani pipe bretani a·sel jolni manderang neng·nikaniko man·enga
Date:
Share post:
