SHILLONG: A·doko, man-derangni gisepo COVID tikkarangko su·na kengipa aro jajrenggiparang dongomangba re·baenggipa September ja bon·achide, tikka su·na bilsokgimin a·dokni 75 percent manderangko tikka su·na gita Health department nisan ka·enga.
“50-60 per cent-kode ia jani gisepon matchotatna jotton ka·enga, indake mikkang ja bon·achide 75 percent matchotatna ka·dongenga” ine Health department-ni Principal Secretary, Sampath Kumar aganaha. Kumar agana; tikkani bidingo manderangni kenchakaniko chel·atna gita sorkarini jotton ka·ani da·o pilak district-rangon bite gnanggipa ong·engaha.
“Tikkani bidingo manderangni ma·sisretgipani gimin chinga manderangna ma·siate on·na jotton ka·beaha. Iani bidingo kam ka·na gita chinga dingtang dingtang dolrangko didiatna man·aha aro skie on·ani ba awareness campaign-rango jakdangdikatna man·aha,” ua aganaha.
