\
SHILLONG: One Hundred Twenty Five (Amendment) Bill, 2019-ni gimin party-ni gita chanchigiminrangko UDP President Metbah Lyngdoh, Sukrobaro Meghalaya Chief Minister Conrad Sangma-na watataha.
A·dokni Autonomous District Councils (ADC)-rangni de·e mesokgiminrangni bidingo, uamangni chanchiani aro agan-ku·pattianirangko Parliamentary Standing Committee-ona sokatpana gita, United Democratic Party Mongolbar tom·e chanchirimaha ine uamangni chittio janapaha.
Iarangni bidingo u·iatengon, skangoni ja·rikbaenggipa customary law-rangkon ja·rikaikuchina aro Meghalaya-ni tribal manderangko sason ka·angaikuchina ADC-rangna didianiko on·aha aro village council aro municipal council-rangko songaniko dakjachina uamangni party mol·molaha ine UDP Gen Secretary, Jemino Mawthoh aganaha.
Indiani Constitution-ni paragraph 12A subsection (b)-o janapgipa Governor kattani palo President kattako sejotchina gita KHADC-ni dabianio aro council-ni seat-rangk ge 30-niko ge 37-ona bariatchina dabianikoba UDP chakpaenga ine Mawthoh aganaha.
Sorkari, ADC-rangni nangnikani gitan re·gen aroba a·dokni manderangni ka·dongsoa gita bite nanggipa ong·gen ineba Mawthoh ka·dongsoaniko parakaha.
