TURA: Re·anggipa August-ni 27 aro 28 tarikrango, A·chik Literature Society (ALS), North Eastern Hill University (NEHU) Tura campus-ni ning·o donggipa Garo department baksa nangrime, internet gita ‘Writers Meet’-ko ong·atangaha.
Ia Writers Meet-ko ong·atanio Meghalaya, Assam aro Bangladesh a·songoniba sea jotani a·bao kamko ka·enggipa aro gisiko nanggipa gimik sak 93 manderang bakko ra·angaha aro ia writers meet-ko ong·atani dingtang dingtang manderangchi, ming 86 poedorang, ming gittam essay aro mingbonga golporangko poraiattokaha.
