NONGSTOIN: Ja·manchake kobor man·soani gitade, Phodmawrie songni Kerding Thongni minggipa saksa bilsi 8 ong·gipa me·chik bi·sako drae til·ekaha.
Ia a·sel, West Khasi Hills-ni Mawlan B songo pring 9 -10 bajini gisepo a·ba jamadalo ong·aha.
Indake a·sel ong·aniko ma·gipa pagipa, August 17 tariko me·chik bi·sani aganani ja·mansa ma·sina man·aha. Indake ong·genchimoba tangka paisa dongjae Police Station-ona re·bae badi ka·ena man·jahachim.
Indake hja·mano August 30 tarikosa Nongstoin Police uamangni FIR on·gipako man·aha. Uni ja·mano September 2 tarik attamo Langpih ADC In charge rim·na man·aha, jeon dosi dakgipa kate dongengachim.
