SHILLONG: Batanggimin konta 24-ni gisepo Meghalaya a·doko sak 211 manderang COVID-19 sabisiko man·daptaiaha, jeon sak 192 manderang sabisioni nampilskaaha, unomitingo sak 7 gipinrang COVID sabisini a·sel mijal salni bako uamangni janggirangko gimaataha.
North Garo Hills aro South Garo Hills district-rangona agrede mijal salni bako a·dokni gimik district-rangon COVID man·dapgiparang dongkuaha. Mijal salni bako sak 211 manderang COVID man·dapaha, uamangoni East Garo Hills-o sak 1, East Jaintia Hills-o sak 2, East Khasi Hills-o sak 113, Ri-Bhoio sak 24, South West Garo Hills-o sak 1, South West Khasi Hills-o sak 22, West Garo Hills-o sak 8, West Jaintia Hills-o sak 25aro West Khasi Hills-o sak 15.
Apsan salni bakon sak 192 manderang COVID sabisioni nampilaha. uamangoni East Garo Hills-o sak 3, East Jaintia Hills-o sak 2, East Khasi Hills-o sak 137, North Garo Hills-o sak 1, Ri-Bhoio sak 23, South West Garo Hills-o sak 1, South West Khasi Hills-o sak 9, West Garo Hills-o sak 0, West Jaintia Hills-o sak 8, West Khasi Hills-o sak 8. South aro West Garo Hills district damgniode mijal salni bako COVID-oni nampilgipa saksaba dongjaha.
Indake ong·engon, mijal salni bako East Khasi Hills-o sak 4, Ri-Bhoio sak 1, West Jaintia Hills-o sak 1, West Khasi Hills-o sak 1 gimik sak 7 manderang COVID salbisini a·sel uamangni janggirangko gimaataha, uamangoni sakdokde tikka su·kugijagiparangchim.
Meghalaya a·doko COVID-19 sabisiko man·giparang mijal salona gimikchi sak 76,311 gapangaha, uamangoni sak 72,714 manderang COVID sabisini nampilaha aro sak 1,322 manderang uamangni janggirangko COVID sabisio gimaataha, indake COVID sabisi man·enggiparang a·doko da·oba sak 2,275 dongengkua.
