TURA: North Garo Hills a·jani ning·o ga·akgipa Assam sima-ari jolrango donggipa Meghalaya-ni a·arangko Assam-ni manderang ka·sinsin ra·sekdrana jotton ka·e a·a man·chaproroe napdrabaengako nirokatchina gita Mendipather Regional Branch-ni AYWO dilgiparang mejalo GHADC, Land & Revenue In-charge-ni EM-na sedoangaha ine koborna u·iataha.
AYWO-ni dilgiparangni GHADC, EM-na memorandum on·anggipao janapatani gitade, batanggimin adita jarangna skangonin Assam sorkari, salgro-salaram jolo donggipa Assam a·dok baksa sima-ari nangtikgrikgipa a·dokrang baksa apsan mamlani bidingo nanggrikangako nikna man·enga.
Uandake, Meghalaya-ni a·arang, mongsongbate GHADC-ni ning·o ga·akgipa North Garo Hills a·jaoba Assam a·dok baksa bakroen sima-ari nangtikgrikgipa donga, ua jolrango Garo Hills-ni a·arangko an·tangtangchi man·chapatna aro niam gri raksekna miksonganio Assam sorkari, dingtang dingtang program-rangko ong·atachi aro sima-ari jolo skul, sorkarini office, Anganwadi Centre, Police check post aro uandakgipa nokrangko rikenganichi manderangko dakmike Assam-chi ra·sekdrana jotton ka·enga ineba AYWO-ni dilgiparang parakataha.
Uamangni indakgipa kamrangko Garo Hills-ni a·kawe jolrango, mongsongbate North Garo Hills-ni Rongsai jolo aro Mendipather jolrangoba bang·en nikna gita man·enga.
Mendipather jolo donggipa a·arangko Assam sorkarini ra·sekdrana mikpakma nie kamrangko ka·enganiara da·ororosan ong·enggipa obosta ong·ja, indiba skangonin Mendipathar Nepali Basti Road jolo Eco Club, Namasbasti, Abdulbari LP School-rangkoba rikmanahachim ine mesokatna man·enga ineba dilgiparang parakataha.
Indake ong·engon, uandakgipa kamrangko seng·gnang nirokate kamrangko ka·e on·pachina ine AYWO Mendipathar Regional Branch-ni dilgiparang GHADC-ni EM-ko didiangaha ineba AYWO-ni dilgipa parakaha.
AYWO-ni dilgiparangni GHADC, EM-na memorandum on·anggipao janapatani gitade, batanggimin adita jarangna skangonin Assam sorkari, salgro-salaram jolo donggipa Assam a·dok baksa sima-ari nangtikgrikgipa a·dokrang baksa apsan mamlani bidingo nanggrikangako nikna man·enga.
Uandake, Meghalaya-ni a·arang, mongsongbate GHADC-ni ning·o ga·akgipa North Garo Hills a·jaoba Assam a·dok baksa bakroen sima-ari nangtikgrikgipa donga, ua jolrango Garo Hills-ni a·arangko an·tangtangchi man·chapatna aro niam gri raksekna miksonganio Assam sorkari, dingtang dingtang program-rangko ong·atachi aro sima-ari jolo skul, sorkarini office, Anganwadi Centre, Police check post aro uandakgipa nokrangko rikenganichi manderangko dakmike Assam-chi ra·sekdrana jotton ka·enga ineba AYWO-ni dilgiparang parakataha.
Uamangni indakgipa kamrangko Garo Hills-ni a·kawe jolrango, mongsongbate North Garo Hills-ni Rongsai jolo aro Mendipather jolrangoba bang·en nikna gita man·enga.
Mendipather jolo donggipa a·arangko Assam sorkarini ra·sekdrana mikpakma nie kamrangko ka·enganiara da·ororosan ong·enggipa obosta ong·ja, indiba skangonin Mendipathar Nepali Basti Road jolo Eco Club, Namasbasti, Abdulbari LP School-rangkoba rikmanahachim ine mesokatna man·enga ineba dilgiparang parakataha.
Indake ong·engon, uandakgipa kamrangko seng·gnang nirokate kamrangko ka·e on·pachina ine AYWO Mendipathar Regional Branch-ni dilgiparang GHADC-ni EM-ko didiangaha ineba AYWO-ni dilgipa parakaha.