SHILLONG: Batanggimin konta 24-ni gisepo Meghalaya a·doko sak 253 manderang COVID-19 sabisiko man·dapaha, jeon sak 350 manderang sabisioni nampilskaaha, unomitingo mijal salni bako COVID sabisini a·sel sakgni siangtaiaha.
South Garo Hills-na agrede mijal salni bako a·dokni gimik district-rangon COVID man·dapgiparang dongkuaha. Mijal salni bako sak 263 manderang COVID man·dapaha, uamangoni East Garo Hills-o sak 1, East Jaintia Hills-o sak 6, East Khasi Hills-o sak 84, North Garo Hills-o sak 3, Ri-Bhoio sak 22, South West Garo Hills-o sak 1, South West Khasi Hills-o sak 47, West Garo Hills-o sak 7, West Jaintia Hills-o sak 17 aro West Khasi Hills-o sak 76.
Mijal salni bako COVID man·giparangna bate sabisini nampilgiparang bang·bataha, jeon sak 350 manderang COVID sabisioni nampilaha, uamangoni East Garo Hills-o sak 3, East Jaintia Hills-o sak 2, East Khasi Hills-o sak 235, North Garo Hills-o sak 3, Ri-Bhoio sak 51, South West Garo hills-o sak 7, West Garo Hills-o sak 10, West Jaintia Hills-o sak 11 aro West Khasi Hills-o sak 28. South Garo Hills aro South West Khasi Hills district-rangode mijal salni bako COVID-oni nampilgipa saksaba dongjaha.
Unomitingo mijal salni bako East Khasi Hills-o saksa aro West Khasi Hills-o saksa, gimik sakgni manderang COVID salbisini a·sel siangtaiaha. man·gipa siangaha, jemangan COVID tikka su·kujachim.
Meghalaya a·doko COVID-19 sabisiko man·giparang mijal salona gimikchi sak 76,767 gapangaha, uamangoni sak 73,236 manderang COVID sabisioni nampilaha aro sak 1,325 manderang uamangni janggirangko COVID sabisio gimaataha, indake COVID sabisi man·enggiparang Meghalayao da·oba sak 2,206 dongengkua. A·doko sak 2,206 COVID man·e dongenggiparangoni East Khasi Hills-o sak 1,101, West Khasi Hills-o sak 355, Ri-Bhoio sak 220, West Jainti Hills-o sak 195, South West Khasi Hills-o sak 167, West Garo Hills-o sak 75, East Jaintia Hills-o sak 49, East Garo Hills-o sak 20, South West Garo Hills-o sak 13, North Garo Hills-o sak 7 aro South Garo Hills-o sak 4 dongenga.
Megahalaya a·doko skanggipa COVID tikkako su·giparang mijal salona sak 10,32,203 aro matchote cu·siminrang sak 3,16,70 ong·aha, aro tikka su·gimin gimikde sak 13,48,,923 ong·a.