TURA: Tura Daldagre-o songdonggiparangoni saksani u·iatani gita Daldagre-o songdonggiparang batanggimin adita jarangoni da·aloni kingking china dile namen neng·nikako man·enga ine songbadna u·iataha.
Jean mandena nangchongmotgipa ong·genchimoba water supply chu·ongjae songsalo sakanti songdonggiparng neng·nikaniko man·enga. Sepangjol a·jolrango songdonggipa uamangni chi tankio chi joksuale dongako palskaako Daldagre-jolni manderang Sakantian uamangni chi palako breskae jakkalenga ba jemangan chi palgiparangoniko chirangko brena nangenga aro bree jakkalskaenga ine songdogngipa saksa u·iataha.
PHE Department-na phone ka·oba maming simsakani dongja. Jean water supply-ni in-charge ong·achim ia Daldagre-jolo songdonggiparangni china dile neng·nikanirangko niatchina gita u·iataniona ra·bana nangnikaha, ine saksa aganaha.
