SHILLONG: Umiam, NEH Region, ICAR RC, Division of Animal & Fisheries Sciences, Meghalaya sorkarini Fisheries Department baksa nangrime September 9 tariko covid-19-na domin niamrangko ja·rike Shillong, Fish Dale Farm-o “Fish Seed Distribution Mela”-ko ong·atangaha.
Meghalaya sorkarini Fisheries Department a·dokni dingtang dingtang biaprangoniko gimik gimang sak 50 na·tok jilgiparangko seokaha. Programme-ko A. L. Mawlong, MCS, Director Fisheries-ni I. Mawlong, MCS, Joint Secretary, Fisheries Department aro Dr. S. K. Das, Principal Scientist & In-Charge, Fisheries Section ICAR RC for NEH Region, Umiam-ni uni dongpao rimchakaniko aganan baksa a·bachengaha.
I. Mawlong, MCS, Joint Secretary, Fisheries Department-ni tom·ao Chief Guest ong·e mikkim chaataha aro sorkario kam griani batroroani bidingo agane bang·a sorkarini scheme-rangchi gisik a·ning bitani gita na·tok jilna jotton ka·e badingchiwalani cholrangko nakatatchina chadamberangko didiaha.
Dr. S. K. Das, Principal Scientist & In-Charge, Fisheries Section, DAFS, ICAR RC NEHR, Covid-19 sabisini a·selo na·tok bi·sarangko sualatanirango neng·nikani ong·aha. Na·tok jilanirangko bilakbatatna na·tok bi·sa namako nanga. ICAR-ni Tribunal Sub Plan (TSP)-ni ning·o na·tok bi·sarangko indin on·enga, ua aganaha.
ICAR-oni u·i-ma·sigipa aro na·tok jilgiparang agangrike Dr S.K Das, “Importance of quality fish seeds for enhanceing fish production form Mid-hill Aquaculture”-ko dilenggipa skigipa technical session-chi programme-ko chu·sokataha.
