SHILLONG: Mijal Sombar salni bako Meghalaya a·doko sak 226 manderang COVID-19 sabisiko man·dapaha, jeon sak 177 manderang COVID sabisioni nampilskaaha, unomitingo sakgittam manderang mijal salni bako COVID sabisini a·sel uamangni janggirangko gimaataha.
Batanggimin konta 24-ni gisepo sak 226 COVID sabisi man·dapgiparangoni,East Jaintia Hills-o sak 1, East Khasi Hills-o sak 64, Ri-Bhoio sak 31, South West Garo Hills-o sak 1, South West Khasi Hills-o sak 28, West Jaintia Hills-o sak 38, West Khasi Hills-o sak 63, Mijal salni bako South West Garo Hills-o saksa COVID man·dapgipana agrede, East Garo Hills, North Garo Hills, South Garo Hills aro West Garo Hills gimikon COVID man·dapgipa dongjaha.
Mijal Sombar salni bako COVID sabisioni nampilgipa sak 177 manderangoni, East Garo Hills-o sak 1, East Jaintia Hills-o sak 5, East Khasi Hills-o sak 114, North Garo Hills-o sak 1, Ri-Bhoio sak 26, South West Khasi Hills-o sak 6, West Garo Hills-o sak 4, West Jaintia Hills-o sak 10, West Khasi Hills-o sak 10. Unomitingo South Garo Hills aro South West Garo Hills-ode mijalni bako nampilgipa dongjaha.
Mijal salni bako sak 3 manderang COVID sabisini a·sel uamangni janggirangko gimaataha, uamangoni East Khasi Hills-o sakgni aro West Jaintia Hills-o saksa aro uamang gimikan COVID tikkarangko su·kugijagiparang ong·achim.
Meghalaya a·doko COVID sabisiko man·giparang mijalona gimikchide sak 78,359 gapangaha. Uamangoni sak 75,141 manderang sabisioni nampilaha, sak 1,359 manderang uamangni janggirangko sabisio gimaataha. COVID sae donggiparang Meghalayao da·oba sak 1,859 dongengkua.
A·doko COVID sae donggipa sak 1,859-oni East Garo Hills-o sak 11, East Jaintia Hills-o sak 27, East Khasi Hills-o sak 779, North Garo Hills-o sak 11, Ri-Bhoio sak 161, South Garo Hills-o sak 3 South West Garo Hills-o sak 11, South West Khasi Hills-o sak 118, West Garo Hills-o sak 73, West Jaintia Hills-o sak 247, West Khasi Hills-o sak 418 dongengkua.
